घ्याम्पेडाँडामा उफ्रिदाँ

इरादा पहाडी/कञ्चन अधिकारी 

 यस्तो हाइकिङमा बाटोमा खाँदै हिँड्नुको मजा मैले पोहोर पनि लिएकी थिएँ। फलफूल, जाम पाउरोटी, चाउचाउ, विस्कुट, दालमोट अण्डा, दही च्यूरा यस्तै यस्तै खान्की

नयाँ वर्ष–नयाँ आशा, उमंग, उत्साह र सपना बोकेर आउँछ, मैले बुँझेको नयाँ वर्षको पहिलो दिन यही हो। त्यसैले होला भन्छन्, नयाँ वर्षको दिन जे जस्तो गरी बिताइन्छ, पूरै वर्ष त्यस्तै गरी बित्छ। बिहानीले दिनको संकेत गर्छ भने जस्तै। यही माहोललाई पछ्याएरै होला, प्रायः सबै उमेर समूहका मानिस नयाँ वर्ष घुमघामसँगै धुमधामले मनाउँछन्। रत्न राज्य लक्ष्मी क्याम्पस स्नातकोत्तर अन्तिम वर्षका केही साथीहरुले यस्तै निर्णय गर्‍यौ र निस्कियौं घुमफिरको लागि।
चिया खाने क्रममा हाम्रो योजना बनेको थियो, नयाँ वर्षको दिन केही रमाइलो गर्ने। गएको वर्ष जस्तै यो वर्ष पनि …हाइकिङ' जाने। पोहोर त चन्द्रागिरी गएको, यसपाली कहा“? लेले, लाकुरीभञ्ज्याङ, सुन्दरीजल लगायतका दर्जनौं नाम लिएपछि नयाँ अर्को ठाउँको नाम आयो– गुण्डु गाविस–३, भक्तपुर स्थित घ्याम्पेडा“डा। नामै सुन्दा एकचोटी गललल हास्यौं। नाम पनि …घ्याम्पे'।